Nodirbek Abdusattorov 11 turni ham o‘tkazdi. Natija qanday?

Xabar berganimizdek, hamyurtimiz Nodirbek Abdusattorov Polshada bo‘lib o‘tayotgan shaxmatning rapid yo‘nalishi bo‘yicha jahon chempionatida ishtirok etmoqda. Biroz vaqt oldin u 10-turda Magnus Karlsenni mag‘lubiyatga uchratib sensatsion natija qayd etgan edi. U 11 raundda rossiyalik Vladimir Fedoseev bilan durrangga imzo chekdi va tur yakuni bo‘yicha peshqadam bo‘lib turibdi. Turnir bugunning o‘zidayoq 2 turdan so‘ng yakuniga etadi. Natijalarni bizda kuzatib boring. Nodirbekning keyingi raqibi 15 yoshli hindistonlik grossmeyster Gukesh Dommaraju bo‘ladi.