Nigina Abduraimova final ostonasida to‘xtadi

Qozog‘istonning Nur-Sulton shahri mezbonlik qilgan ITF tasnifiga kiruvchi turnirning ayollar bahslarida yarim final uchrashuvlari o‘tkazildi.

E’tiborlisi, O‘zbekiston sharafini himoya qilgan Nigina Abduraimova mazkur bosqichda yaponiyalik Moyuka Uchijimaga qarshi kortga chiqdi. Bellashuv "kun chiqar yurt" vakilasining 6:4, 6:2 hisobidagi g‘alabasi bilan poyoniga etdi.

Afsuski, Nigina xuddi shu turnirning juftlik bellashuvlarida chorak finalda to‘xtashga majbur bo‘lgandi.