"Napoli" chorshanba kuni Anchelottini iste’foga chiqaradi. Uning o‘rniga kimning kelishi ham aniq

“Napoli” klubi tez orada yangi bosh murabbiy bilan shartnoma imzolaydi.

CalcioNapoli24 nashri tarqatgan xabarga qaraganda kelayotgan chorshanba kuni neapolliklar bosh murabbiy Karlo Anchelottini iste’foga chiqarishadi va uning o‘rniga Jennaro Gattuzoni tayinlaydi. Shuni alohida aytish kerakki, EChL doirasidan o‘rin olgan “Genk”ga qarshi o‘yinda qayd etiladigan har qanday natija qarorni o‘zgarishiga ta’sir qilmaydi.

Eslatib o‘tamiz, bundan avvalroq Tuttosport nashri Gattuzoni bugun Rimda “Napoli” prezidenti Aurelio de Laurentis bilan uchrashgani haqida xabar tarqatgan edi.

Ma’lumot uchun, Gattuzo bungacha “Milan”ni boshqargan.