Myuller Messi va Ronalduni quvishda davom etadi

"Bavariya" hujumchisi Tomas Myuller EChL chorak final bosqichi doirasida "Barselona"ga qarshi uchrashuvda (8:2) dubl qayd etdi. 30 yoshli futbolchi uchun bu EChL pley-off bosqichida kiritilgan 22 va 23-gol bo‘ldi.

Shu tariqa, germaniyalik forvard bu borada musobaqa tarixida uchinchi o‘ringa chiqib oldi. Faqatgina Lionel Messi (47 gol) va Krishtianu Ronaldu (67) hal qiluvchi uchrashuvlarda Myullerdan ko‘p gol kiritishga erishgan.