Yaponiyalik Naoya Inoue Ahmadaliev yoki Fultondan kimni tanlashi haqidagi savolga javob berdi

Professonal boksning 53,5 kg vazn toifasida WBA, IBF, WBC kamarlari egasi, 3 vaznda jahon chempioni, P4P etakchisi yaponiyalik Naoya "Monstr" Inoue (23-0, 20 KO) 55,3 kgga vazn ko‘tarsa Murodjon Ahmadaliev yoki Stiven Fultondan qaysi birini tanlab jang qilishi haqidagi savolga javob berdi.

"Agar Ahmadaliev va Fulton kamarlarni birlashtirish uchun harakat qilsa va men o‘z vaznimda 4 ta kamarni muvaffaqiyatli birlashtirsam, men va ular o‘rtasidagi bahs g‘olibi o‘zaro jang o‘tkazishi maqsadga muvofiq deb hisoblayman. O‘ylashimcha, bu jahon boksi uchun ham ideal stsenariy bo‘ladi", - dedi Inoue. Eslatib o‘tamiz, birinchi yarim engil vazn toifasida (55,3 kg) Murodjon Ahmadaliev (11-0, 8 KO) o‘z kamarlarini Ronni Riosdan muvaffaqiyatli himoya qildi. WBC va WBO kamarlari esa amerikalik Stiven Fultonga (21-0, 8KO) tegishli bo‘lib turibdi.