Morata Saudiyadan kelgan taklifni rad qildi

Avvalroq, Alvaro Morataga Saudiyaning "Al-Qodisiya" klubi qiziqish bildirayotgani borasida xabarlar tarqalgandi. Futbolchi bu taklifni rad qildi, deya ma’lum qilmoqda insayder Fabritsio Romano. 

Jurnalistning so‘zlariga ko‘ra, ispaniyalik hujumchi "Atletiko"da qolishga qaror qilgan. U keyingi mavsumni ham madridliklar safida o‘tkazmoqchi. "Men bu libosda g‘alabalar qozonish qanday ekanligini tasvirlab bera olmayman", - dedi Morata. 

Agarda Morata qolishni istayotgan bo‘lsa, Artyom Dovbikning "matraschilar"ga transferi barbod bo‘ladi. Sababi, tomonlar aynan 31 yoshli straykerni Saudiyaga yo‘l olganidan keyin ukrainalik hujumchi borasida kelishib olishlari kutilayotgandi.