Messi Ronaldu bilan raqobati haqida gapirdi

PSJ hujumchisi Lionel Messi ashaddiy raqobatchisi Krishtianu Ronalduning “Manchester Yunayted”ga qaytgani haqida gapirdi.

“Yunayted” – ajoyib o‘yinchilarga ega juda kuchli jamoa. Krishtianu klubni yaxshi bilardi, ammo bu mutlaq boshqa bosqichda edi. Shunga qaramasdan u jamoaga ajoyib tarzda moslasha oldi.U har doimgidek kelishi bilan gol ura boshladi va moslashishda hech qanday muammoga duch kelmadi. Biz bir ligada o‘ynashni to‘xtatganimizga ancha bo‘ldi. Biz yakka va jamoa miqyosda bir maqsadlar uchun raqobatlashdik. Bu biz uchun ham, odamlar uchun ham juda chiroyli voqea bo‘ldi, chunki ularga bizning to‘qnashuvimiz yoqdi. Bu ajoyib xotira futbol tarixida qoladi”, - dedi Messi.