Messi endi yolg‘iz yashaydi (foto)

Argentina terma jamoasi yulduzi Lionel Messi jahon chempionati vaqtida Qatar poytaxti Dohadagi mehmonxonada yolg‘iz yashaydigan bo‘ldi.

Bu holat 35 yoshli yulduzning katta turnirlardagi ishtiroki mobaynida ilk marotaba po‘y berdi. Argentina terma jamoasi yirik musobaqalarda qatnashgan paytda Messi har doim Serxio Aguero bilan bir xonada yashagan.

Ma’lumki, Aguero yuragidagi muammo tufayli futbolchilik faoliyatini  kutilganidan erta yakunladi.

Doimiy hamrohi futboldan ketganidan beri Messi yolg‘iz yashashga qaror qildi.

Eslatib o‘tamiz, Messi 2010 yilgi jahon chempionatida Xuan Sebastyan Veron bilan birga turgan. Keyinki ikkita mundialda Agueroni tanlagan.