Messi “Barsa”ga o‘tishdan qo‘rqdimi?

PSJdagi faoliyati tugagan Lionel Messining keyingi jamoasi “Barselona” bo‘lishi kutilgan edi. Biroq, argentinalik yulduz Evropani tark etishga qaror qildi.

“Barselona” klubi prezidenti Joan Laporta Lionel Messining Kataloniyaga kelmagani sabablarini oshkor qildi.

- Messi bizga “Inter Mayami”ga o‘tishga qaror qilganini aytdi. Chunki u Parijda murakkab mavsuvlarni o‘tkazib, katta bosim ostida qolgan ekan.

Mayamida unga hech qanday bosim bo‘lmay va xotirjam bo‘lishi, terma jamoadagi faoliyati haqida o‘ylashi mumkin.

Messi “Barselona”ga kelishni istagan edi, biroq yana bir yil katta bosim ostida o‘ynashga ko‘nmadi, - dedi Joan Laporta.