Осиё чемпионати. Бугун 7 нафар боксчимизга мухлислик қиламиз!

Хабарингиз бор, 30 июлдан 12 августга қадар Таиланднинг Бангкок шаҳри 22 ёшгача бўлган боксчилар ва ёшлар ўртасида Осиё чемпионатига мезбонлик қилади.

Мусобақа доирасида бугун икки ёш тоифасидаги боксчиларимиз ҳам жангларга киришади. Ёшларимиз эрталабки дастурда баҳс олиб борса, 22 ёшгача бўлган вакилларимиз куннинг иккинчи қисмида, чорак финалда рингга кўтарилади.

-55 кг: Абдулазиз Абдуназаров - Кит Фу Танг (Гонг Конг);

-60 кг: Абдураҳмон Маҳмуджонов - Эрлан Эргешов (Қирғизистон);

-65 кг: Жаҳонгир Зайниддинов - Наттҳапҳонг Пимсен (Таиланд);

-48 кг: Робия Бахтиёрова - Чатҳури Сириварда (Шри-Ланка);

-51 кг: Гулсевар Ганиева - Жуня Фенг (Хитой);

-54 кг: Узукжамол Юнусова - Сеина Адачи (Япония);

-57 кг: Хуморабону Мамажонова - Нурул Изза Нукуҳеҳе (Индонезия).

Баҳслар (U-19) Тошкент вақти билан 09:00 дан бошлаб старт олади. Иккинчи дастур (U-22) учрашувлари эса, 15:00 га тўғри келади. Бу хақда Ўзбекистон бокс федерацияси хабар бермоқда.