Mbappe “Real”ga o‘tishdan bosh tortdi

Kilian Mbappe kelasi yozda “Real”ga o‘tishi hal bo‘lgan masala ekani haqida xabarlar ko‘p tarqatilyapti.

Biroq PSJda yana bir Mbappe – Kilianning ukasi Itan ham bor. Joriy mavsum PSJda debyut o‘yinini o‘tkazgan 17 yoshli futbolchi bu gal akasining ortidan Madridga ketishga ko‘nmadi.

Kilian “Monako”dan PSJga transfer qilinganida ukasi Itanni PSJ akademiyasiga qabul qilishni talab qilgan edi. Mbappelarning to‘ng‘ichi “Real” bilan muzokaralarda ham huddi shunday talabni o‘rtaga tashlagan va “Qirollik klubi” bunga ko‘ngan. Lekin bu gal Itan Parijda qolishga qaror qilgani aytilmoqda.

PSJ rahbariyati shartnomasi yozda tugaydigan Itan bilan uni uzaytirish uchun muzokara o‘tkazayotgan edi. Lekin Kilian jamoada qolmasligini ma’lum qilganidan keyin Itan bilan kelishuv ishlari to‘xtatilgan.