Mauritsio Sarri A Seriya klubini boshqarishi mumkin

“Fiorentina” rahbariyati tez orada jamoa bosh murabbiyi Juzeppe Yakinini o‘z lavozimidan iste’foga chiqarishi mumkin.

Calciomercato nashri tarqatggan xabarga ko‘ra, italiyalik mutaxassis 7 noyabr kuni “Parma”ga qarshi o‘yindan so‘ng ishdan olinadi. Ushbu uchrashuvning natijasi rahbariyat qarorini o‘zgartirmaydi.

“Binafsharanglilar” Yakinining o‘rniga Vinchentso Montella, Mauritsio Sarri va Valter Madzarri kabi mutaxassislar nomzodini ko‘rib chiqmoqda.

“Fiorentina” Italiya chempionatining ortda qolgan 6 ta turidan so‘ng 7 ochko to‘plagan holda musobaqa jadvalida 11-o‘rinda bormoqda.