Maradonaning merosi uchun 16 kishi da’vogarlik qilmoqda

Afsonaviy futbolchi Diego Maradonaning boyliklari uchun jiddiy kurash boshlandi. Bu haqda The Sun nashri xabar tarqatmoqda.

Yuqoridagi manbaga ko‘ra, meros uchun marhumning 5 nafar qonuniy va 7 nafar nikohsiz farzandlari hamda 4 ta singlisi, jami 16 nafar qarindoshi da’vogarlik qilmoqda.

Maradonaning jami boyligi 40 million evroga baholanmoqda. Unga naqd pul, turli mamlakatlardagi mulk va hashamatli avtoulovlar kiradi.

“JCh-1986” g‘olibi o‘limidan oldin hech qanday vasiyat qoldirmagan va shu sababli uning merosi sud orqali bo‘lib beriladi.

Maradona joriy yilning 25 noyabr kuni yurak to‘xtashi oqibatida 60 yoshida vafot etgan edi.