"Manchester Siti" rahbariyati "Barselona"ga: Bizni ahmoq qilolmaysizlar

"Manchester Siti" klubi rahbariyati "Barselona"ning Joau Kanselu evaziga Nelson Semeduni berish haqidagi taklifini rad etdi.

Marca nashri tarqatgan xabarga ko‘ra, “shaharliklar” Kanseluning narxi Semedunikidan qimmatroq ekanini aytishgan va shu bois ularni almashtirish mantiqan to‘g‘ri emas deb hisoblashgan.

25 yoshli Kanselu joriy mavsum “Manchester Siti” safida 24 ta o‘yinda maydonga tushib, o‘z hisobiga 1 ta gol hamda 1 ta golli uzatma yozdirib qo‘yishga erishgan. 26 yoshli Semedu esa 29 ta o‘yinda ishtirok etdi va “Barselona”ning 5 ta goliga mualliflik qildi.