"Manchester Siti" hujumchisi "Yuventus"ga o‘tishi mumkin

"Manchester Siti" klubi forvardi Gabriel Jezus "Yuventus"ning qiziqishlar doirasiga kirib qoldi.

Calciomercato nashri tarqatgan xabarga ko‘ra braziliyalik futbolchini shaxsan jamoa bosh murabbiyi Mauritsio Sarri tarkibga jalb etishni rejalashtirmoqda.

Ma’lumot uchun, Jezus joriy mavsum “Manchester Siti” safida jami 33 ta o‘yinda maydonga tushdi va o‘z hisobiga 16 ta gol hamda 7 ta golli uzatma yozdirib qo‘yishga erishdi. Uning klub bilan amaldagi shartnomasi 2023 yilga qadar imzolangan, tovon puli esa 70 mln evroni tashkil etadi.

Eslatib o‘tamiz, bundan avvalroq UEFA “shaharliklar”ni 2 mavsumga EChLdan chetlatgan edi.