Luis Suares: Biz qarshi emasdik

"Barselona" forvardi Luis Suares koronavirus infektsiyasi ortidan klub futbolchilarining maoshlari pasaytirilishi bo‘yicha o‘z fikrlarini bildirib o‘tdi.

"Jamoa futbolchilarining maoshlari pasaytirilishi haqida gap-so‘zlar ko‘paydi. Odamlar o‘ylashdiki, biz bunga qarshi bo‘ldik, ammo biz shunchaki eng yaxshi echimni izlashga uringandik", - deydi Suares.

Eslatib o‘tamiz, virus pandemiyasi sabab kutilayotgan moliyaviy zararlarni qoplash maqsadida kataloniyaliklar futbolchilarining maoshlari 70 foizgacha qisqartirildi.