“Lokomotiv”da katta o‘zgarishlar bo‘lishi mumkin. Bu yaxshilikkami yoki aksi?

"SPORTS.uz haftasi" ko‘rsatuvining navbatdagi soni taqdim etilmoqda. Ushbu sonda futbol mutaxassisi Jamoliddin Bobojonov ishtirok etdi.

Ko‘rsatuv mobaynida Jamoliddin Bobojonov “Lokomotiv”da katta o‘zgarishlar bo‘lishi mumkinligi to‘g‘risida gapirdi.

Jamoliddin Bobojonov “Paxtakor” bu tarkibi bilan ham OChL guruh bosqichidan chiqa olmasligi va Adebayorga qiziqishi haqida

- “Lokomotiv”ning OChL-2020dagi ishtiroki borasida biror fikr bildira olmayman. “Temiryo‘lchilar”da murabbiy almashdi. O‘zi umuman “Loko”ni yanvargacha kuzatish kerak tarkibi qanchalik o‘zgaradi va hokazolarni. Keyingi yil uchun jamoa o‘z oldiga qanday maqsadlar qo‘ygan. Bular juda katta savol ostida.

Eshitishimcha, “Lokomotiv”ning xattoki, homiylari o‘zgaradi, ya’ni ketadi degan gaplar bor. U holda “Lokomotiv”ning tarkibi qanchalik saqlanib qoladi? Chunki “Loko”ning hozirgi homiylari bo‘lmagan paytda jamoa chempionatning o‘rtamiyona klubi edi. Umuman, o‘zi rostdan ham jamoada shunday o‘zgarishlar bo‘ladimi? Bu savollarga javob topsak, “temiryo‘lchilar”ning OChL-2020dagi ishtiroki borasida gapirsak bo‘ladi, - dedi Jamoliddin Bobojonov.