"Liverpul" yana bir zo‘r transferni amalga oshirishga yaqin

"Portu"ning kolumbiyalik hujumkor yarim himoyachisi Luis Dias premer-liga klubiga ko‘chib o‘tishga yaqin, deb xabar bermoqda Caracol Radio jurnalisti Sezar Augusto.

Yuqoridagi manbaga ko‘ra, "ajdarlar" etakchisi "Liverpul" futbolchisiga aylanadi. Transfer summasi 60 million funtni tashkil etadi, bu esa 71,7 million evroga teng. Uning shartnomasiga ko‘ra, tovon puli 80 million evroni tashkil qiladi.

Aytish kerakki, ushbu futbolchiga "Nyukasl" ham da’vogarlik qilayotgan edi.

Dias joriy mavsum Portugaliya chempionatida 15 ta o‘yinda maydonga tushib, 12 ta gol urdi.