Livakovich faoliyatini La Ligada dovom ettiradi

"Dinamo Zagreb" futbolchisi Dominik Livakovichga "Vilyarreal"ga o‘tishga yaqin turibdi, deya xabar tarqatdi Fabritsio Romano. Ispaniya klubi David Rayyani o‘z tarkibiga qo‘shib olishni istaydi, lekin uning narxi qimmatligi bois "sariq suv osti kemasi" bu transferni amalga oshira olmaydi. 

Ma’lum bo‘lishicha, "Vilyarreal" Livakovich uchun "Dinamo Zagreb"ga 8 million evro taklif bilan chiqqan. Xorvatiyalik posbonning jamoasi bilan amaldagi shartnomasi 2024 yilda o‘z nihoyasiga etadi. 

Livakovich Jahon chempionatidagi o‘yinlari orqali barchaga yaxshi tanish. U terma jamoasi bilan mundialnig yarim finaliga qadar etib bordi va 3-o‘rin bilan chempionatni yakunladi.