Kuman Pyanich aybloviga qanday javob qaytardi?

“Barselona”da etarli o‘yin amaliyotiga ega bo‘lmagan pleymeyker Miralem Pyanich Kataloniya klubini tark etib, Turkiya chempionatiga yo‘l olganidan keyin bosh murabbiy Ronald Kumanni futbolchilarni umuman hurmat qilmaslikda aybladi.

Kataloniyaliklar ustozi tanqidga o‘z munosabatini bildirdi.

- Men uning alamini yaxshi tushunaman. Pyanich bizning o‘yin uslubimizga umuman mos kelmas edi. Unga eng ezgu tilaklarimni bildiraman. Lekin bizda uning pozitsiyasida undan yaxshiroq o‘ynaydigan ijrochilar bor, - dedi Ronald  Kuman.

31 yoshli yarim himoyachi “Beshiktosh” jamoasida mavsum oxirigacha ijarada to‘p suradi.