Kroos kelajagi borasida qaror qabul qildi

Madridning "Real" klubi yarim himoyachisi Toni Kroos shartnomasini yana bir mavsumga uzaytirmoqchi. Jurnalist Tomas Gonsalesning yozishicha, germaniyalik futbolchi "qirollik klubi"da qolib, futbolchilik faoliyatini davom ettirishga qaror qilgan.

Kroosning "Real" bilan amaldagi shartnomasi joriy mavsum oxirida yakuniga etadi. Avvalroq, Toni faoliyatini "qaymoqranglilar" tarkibida yakunlashga qaror qilgani haqida xabarlar tarqalgan edi. 

Eslatib o‘tamiz, joriy mavsumda 33 yoshli xavbek Ispaniya chempionatining 19 uchrashuvida ishtirok etib, 2 ta gol urdi va ikkita samarali uzatmani amalga oshirdi.