"Kristal Pelas" futbolchisiga A Seriya klubi da’vogar

"Kristal Pelas" forvardi Jan-Filip Mateta faoliyatini Italiya A Seriyasida davom ettirishi mumkin.

Xabarlarga ko‘ra, Frantsiyalik futbolchining xizmatlariga A Seriyaning grandi “Milan” jiddiy qiziqish bildirmoqda. Mateta kelajagi borasidagi yakuniy qarorni 2026 yilda Jahon chempionati yakunlanganidan so‘ng qabul qilishni ma’qul ko‘radi. Uning "burgutlar" bilan amaldagi shartnomasi 2027 yilning yozida yakuniga etadi.

Ma’lumot uchun, 28 yoshli forvard joriy mavsumda barcha turnirlarda umumiy 22 ta uchrashuvda maydonga tushib, 9 ta gol urdi va 2 ta golli uzatmani amalga oshirdi.