Kikboksing. “Toshkent Open” xalqaro turniri yakunlandi

9-12 may kunlari poytaxtimizda  kikboksing bo‘yicha “Toshkent Open” xalqaro turniri o‘tkazildi. Musobaqada mamlakatimizning barcha hududlaridan, shuningdek Qirg‘iziston, Qozog‘iston va Tojikistondan jami  300 nafarga yaqin o‘smirlar va yoshlar kick-light, light-contact, full-contact, low-kick va point fighting yo‘nalishlarida o‘z maxoratlirini namoyish etishdi.

Xalqaro turnirning so‘nggi kunida hal qiluvchi bellashuvlarga yo‘llanma olgan sportchilar o‘rtasida galafinal janglari tashkil etildi. Bosh sovrin uchun 12 ta vazn toifasida janglar tashkil etilib, unda  Abdulloh Rixsiboev, Husanboy Sultonboev, Muhammadamin Oxunboboev,Toirjon Qosimjonov,Odiljon Usanov,  Soliha Gabaeva kabi jami 12 nafar sportchi  raqiblarini engib  chempionlik shoxsupasiga ko‘tarildi.

Aynan ushbu xalqaro turnir  shu yil sentyabr oyida poytaxtimizda o‘tadigan Jahon kubogi baxslari oldidan  umidli yoshlarimiz uchun o‘ziga hos ko‘rik va sinov vazifasini o‘tab berdi.

Baxtiyor Toshtemirov.