Ketma-ket uchinchi bor finalga chiqqan Berrettini va nihoyat to‘xtatildi

Shveytsariya kortlari mezbonlik qilgan "Suisse Open Gstaad" musobaqasi nihoyasiga etdi. 

Turnirning erkaklar o‘rtasidagi bellashuvlarida finalga italiyalik Matteo Berrettini hamda Norvegiya vakili Kasper Ruud etib keldi. 3 set davom etgan o‘yin Kasperning 4:6, 7:6(7:4), 6:2 hisobidagi g‘alabasi bilan yakunlandi.

E’tiborga molik tomoni, Berrettini bunga qadar qatnashgan so‘nggi 2 ta turnirida finalga chiqib, yakunda bosh sovrinni o‘ziniki qilgandi. Shuningdek, u 12 o‘yindan beri mag‘lubiyat nimaligini bilmay kelyotgan edi. Ruud bu seriyaga ham chek qo‘ya oldi.