Kambek amalga oshirgan "Real" "Barselona"ni quvib o‘tdi

Ispaniya La Ligasi 22-turidan o‘rin olgan uchrashuvni amaldagi chempion "Real" mehmonda o‘tkazdi. "Ueska" maydoniga safar qilgan madridliklar 2:1 hisobida g‘alaba qozondi.

Dastlab, Xavi Galan ikkinchi bo‘lim boshida hisobni ochdi. Keyinchalik "qaymoqranglilar" himoyachisi Rafael Varan dublni rasmiylashtirib, yakunda jamoasiga muhim g‘alabani taqdim etgan gollarga mualliflik qildi.

Ushbu g‘alaba bilan o‘z ochkolari sonini 43 taga etkazib olgan "Qirollik klubi" onlayn turnir jadvalida 2-o‘ringa ko‘tarilib oldi. O‘z uyida imkoniyatni boy bergan Ueska so‘nggi pog‘onada qoldi.