Jahondagi eng mashhur klub nomi ma’lum bo‘ldi

Xalqaro sport tadqiqotlari markazi (CIES)  ijtimoiy tarmoqlardagi obunachilari soni bo‘yicha eng mashhur sport klublari reytingini tuzib chiqdi.

Unga ko‘ra, “Real” birinchi o‘ringa loyiq topildi. “Qirollikk klubi”ning rasmiy akkauntlariga 474 million kishi obuna bo‘lgan va ular “Real” haqidagi ma’lumotlarni muntazam kuzatib boradi.

“Real”ning ashaddiy raqibi “Barselona” bu reytingda ikkinchi o‘rinda qayd etilgan. Kataloniyaliklarning rasmiy akkauntlari 427 million muxlisni birlashtirgan.

Umumiy reyting quyidagicha ko‘rinish oldi.

“Real” (Madrid) — 474 million obunachi;

“Barselona” - 427;

“Manchester Yunayted” — 234;

“Pari Sen-Jermen” — 199;

“Manchester Siti” — 180;

“Yuventus” — 175;

“Liverpul” — 167;

“Chelsi” — 153;

“Bavariya” — 149;

“Arsenal” — 114.