Italiya S Seriyasi muddatidan avval yakunlandi

Italiyaning uchinchi divizoni hisoblanadigan S Seriya koronavirus pandemiyasi sabab joriy mavsum davom ettirilmaydigan bo‘ldi.

Uning yakunlariga ko‘ra, B Seriyaga turnir etakchilari "Montsa", "Vichentsa" va "Redjina" klublari yo‘l olishi kutilmoqda. To‘rtinchi yo‘llanma taqdirdi esa pley-off yoki qura tashlash orqali hal qilinishi mumkin.

Eslatib o‘tamiz, oldinroq, A Seriya bahslari 31 maydan davom ettirilishi rejalashtirilayotgani xabar qilingan edi.