Isroil Madrimov venesuelalik raqibini ringga qulatdi va navbatdagi g‘alabasini tantana qildi

Mamlakatimizning yana bir iste’dodli bokschisi, Osiyo chempioni va Osiyo o‘yinlari g‘olibi Isroil Madrimov bundan biroz avval o‘zining professional boksdagi ikkinchi jangini venesuelalik Frenk Roxasga qarshi o‘tkazdi.

Hamyurtimiz 10 raundlik reyting jangining ikkinchi raundidayoq tajribali raqibini nokautga uchratdi va navbatdagi g‘alabasini qo‘lga kiritdi. E’tiborlisi, venesuelalik bokschi Madrimovning zarbasidan so‘ng ringda quladi va shifokorlar yordamida zambilda olib chiqib ketildi.