Isak: "Gol urish – yaxshi, lekin eng asosiysi – jamoaning g‘alabasi"

"Liverpul" hujumchisi Aleksander Isak APLdagi ilk goli haqida fikr bildirdi. 13-turda "qizillar" "Vest Xem"ni 2:0 hisobida mag‘lub etdi va g‘alaba goli aynan Isak tomonidan kiritildi.

Isak jamoaning qayta g‘alaba yo‘liga tushishi muhim bo‘lganini ta’kidladi:

"Yaqindagi o‘yinlardan keyin g‘alaba yo‘liga qaytish oson bo‘lmasligini bilardik. Yutganimizdan xursandman va albatta, gol urganimdan ham xursandman. Jamoa qiyin vaziyatdan o‘tayotganda, kurashish juda muhim. Yigitlar barchasini yaxshi bajarishdi".

Isak APLda "Liverpul" tarkibidagi birinchi goli haqida ham to‘xtalib o‘tdi:

"Bu ancha avval ham sodir bo‘lishi kerak edi, men esa yaxshi formamni qayta topishga harakat qildim. Hali ham shu yo‘ldaman, lekin gol urganimdan mamnunman.

Eng yoqimli his – bu jamoa g‘alabasi. Bu jamoaviy ruhni ko‘tarishning eng yaxshi usuli. Albatta, men hujumchi sifatida gollar menga yordam beradi.

Bu g‘alabadan to‘g‘ri foydalanishimiz, xotirjam qolishimiz kerak. Kontsentratsiyani yo‘qotmasdan, mehnatni davom ettirish zarur. Shunda bu impulsni saqlab qolamiz", – dedi Aleksander Isak "Sky Sports"ga bergan intervyusida.