"Inter" futbolchilari klub MYu forvardini sotib olishini xohlashmoqda

Milanning "Inter" klubi chililik hujumchi Aleksis Sanches bilan doimiy shartnoma imzolashi mumkin. Bu haqida The Telegraph nashri xabar bermoqda.

Manbaga ko‘ra, "neradzurrilar" futbolchilari "Inter"da ijara asosida to‘p surayotgan futbolchini MYudan to‘laqonli sotib olishini so‘rab, klub rahbariyatiga murojaat qilishgan.

O‘z navbatida futbolchining o‘zi ham jamodoshlari va bosh murabbiy bilan iliq munosabat o‘rnatgan va faoliyatini Milan shaxri klubida davom ettirishga qarshi emas.