Inesta koronavirusga qarshi kurashayotganlarga murojaat yo‘lladi

Yaponiyaning "Vissel Kobe" klubida faoliyat olib borayotgan ispaniyalik futbol yulduzi Andres Inesta koronavirus sabab muxlislarga murojaat qildi.

“Vaziyat o‘nglanishiga, hamma narsa tugashiga va yana normal hayot qaytishiga ishonaman. Bunday qiyin vaziyatda hammamiz birlashishimiz va bir-birimizga yordam berishimiz kerak.

Mening murojaatim bu kasallikka qarshi kurashayotganlarga kuch va qo‘llab-quvvatlash belgisidir. Biz buni to‘xtatishga echim izlayotganlarni qo‘llab-quvvatlashni davom ettiramiz”, - deydi Inesta.