Habib Nurmagomedov: Unga “Oltin to‘p” beringlar!

Futbolga qiziqishi bilan ajralib turadigan aralash jang san’atlari ustasi Habib Nurmagomedov joriy yil yakuni bo‘yicha qaysi futbolchi “Oltin to‘p”ga munosib ekanini aytib o‘tdi.

Mashhur sportchining fikricha, bu sovringa Frantsiya terma jamoasi yarim himoyachisi Ngolo Kante loyiq ekan.  

Ta’kidlash joizki, Kante “Chelsi” tarkibidagi fantastik o‘yini bilan jamoasining Evropa Chempionlar ligasida bosh sovrinni qo‘lga kiritishiga katta hissa qo‘shdi. Bundan tashqari, mavsum davomida zaif ko‘ringan londonliklar ushbu yarim himoyachi harakatlari evaziga kuchli to‘rtlikdan joy oldi.