Gvardiola "Arsenal"ning peshqadamligi borasida hazil qildi

"Manchester Siti" bosh murabbiyi Xosep Gvardiola "Arsenal" chempionatda etakchilik qilayotgani to‘g‘risida o‘z fikrlarini bildirdi.

"Hozircha "Arsenal" ajoyib va yaxshiroq o‘yin namoyish etmoqda. Ular anchadan beri bu pog‘onalarda bo‘lishmagandi va endi o‘sha erda qolishni istashmoqda. 

Ammo men "Lids"ga qarshi bahsdan so‘ng bizdagi istak yuqori ekanini ko‘rdim. Biz ularga yaqin joylashganmiz va hali hech narsa hal bo‘lgani yo‘q. 

Farq biz chempion bo‘lgan yillardek 15 yoki 20 ochko emas (jilmayadi). Men yanada yaqinroq bo‘lishni istardim. Biroq hammasi doim siz xohlagandek bo‘lavermaydi", - dedi ispaniyalik mutaxassis.