G‘oliblar terma jamoa a’zosiga aylanadi

Poytaxtimizdagi “Universal” sport majmuasida sport kurashlari bo‘yicha O‘zbekiston kubogi bahslarida yunon-rum kurashi bo‘yicha bellashuvlar o‘tkazildi.

Unda barcha raqiblarini mag‘lubiyatga uchratgan xtiyor Botirov, Islom Bahromov, Ilyos Abdinazarov va Muhammadqodir Rasulov kabi polvonlar shohsupaning eng yuqori pog‘onasidan joy oldi. 

Shuningdek, Quvonchbek Yaxshiboev, Shermuhammad Sharibjonov, Abdullo Aliev, Rahimjon Uzoqov, Abduqodir Jalilov, Temurbek Nasimov kabi polvonlar ham o‘z vazn toifalaridagi bellashuvlarning barchasini g‘alaba bilan yakunlayu, oltin medal sohibi bo‘ldi.

Musobaqa g‘olib va sovrindorlari joriy yilda Xorvatiyada o‘tkaziladigan jahon chempionatiga tayyorgarlik uchun terma jamoa tarkibiga qo‘shib olinadi.