Garnacho "Chelsi"ga o‘tishga yaqin, lekin...

"Manchester Yunayted" futbolchisi Alexandro Garnacho "Manchester Yunayted"ni tark etish arafasida turibdi. Uning keyingi manzili "Chelsi" bo‘lishi mumkin. 

Argentinalik vinger va "aristokratlar" o‘rtasida kelishuv amalga oshishini aniq bo‘lib boryapti. Endilikda klublar o‘rtasida muzokaralar bo‘lib o‘tishi kerak bo‘ladi. "Qizil iblislar" futbolchi uchun 50 million funt sterling xohlaydi, "Chelsi"ning tez orada yuboradigan taklifi esa 35 million funt sterling bo‘lishi kutilmoqda. 

Fabritsio Romanoga ko‘ra, Garnacho faqatgina London klubiga ko‘chib o‘tishni istaydi. Shu sababli, u Saudiya klublaridan kelgan taklifni ham rad qilgan.