"Eski Pirlo" "yangi Pirlo" haqida nimalar dedi?

“Yuventus” va “Milan” klublari sobiq yarim himoyachisi Andrea Pirlo mutaxassislar orasida “yangi Pirlo” deya e’tirof etilayotgan “Breshiya” xavbeki Sandro Tonali haqida o‘z fikrini bildirib o‘tdi.

“Ko‘pchilik Tonali mening izdoshim bo‘lishini taxmin qilmoqda, ammo men o‘rtamizdagi o‘xshashlikni ko‘rmayapman. Sandro boshqa turdagi futbolchi, u himoyalanishda va hujumga chiqishda mendan yaxshiroq. Tonali mening eng yaxshi hislatlarim bilan boshqa futbolchilarning aralashmasiga o‘xshaydi. Hozir u dunyoning eng iqtidorli va kelajagi porloq futbolchilaridan biri hisoblanadi”, - deydi Pirlo.

19 yoshli Tonaliga “Inter” va “Barselona”dan jiddiy qiziqishlar bo‘lmoqda.