Dilyaver Vaniev "Yangier" ustidan qozonilgan g‘alabadan keyin nima dedi?

.”Mash’al” – “Yangier” (2:0) uchrashuvidan keyin muborakliklar bosh murabbiyi Dilyaver Vaniev Sports.uz uchun o‘z fikrlari bilan o‘rtoqlashdi.

“O‘yin bo‘yicha bizning asosiy maqsadimiz futbolchilarning imkoniyatlarini yana bir bor ko‘rib olish edi. Shuning uchun uchrashuvdagi natija unchalik muhim emasdi. Maqsadimizga erishdikmi-yo‘qmi, harqalay ma’lum miqdorda o‘yinni tartibga soldik. Biz yana ishlashda davom etamiz. Shuni aytishim kerakki, butun yig‘in mobaynidagi o‘yinlarimizdagi natijaga e’tibor qaratmadik.

Legionerlarga kelsak, 20 daqiqada qanday qilib ularni to‘liq ko‘rish mumkin? Bittasi kecha kelgan. “Yangier”ga gol urdi, barakalla. Yana ko‘rib chiqamiz, transfer oynasi yopilishiga oz qoldi, - dedi Vaniev.