Butunjahon armiya o‘yinlari. Maftuna Ergasheva bronza medali uchun dayanga chiqadi

Xitoyning Uxan shahrida VII Butunjahon armiya o‘yinlari davom etmoqda. Bugungi kungi musobaqalarda to‘rt nafar taekvondochimiz yurtimiz sharafini himoya qilmoqda.

+87 kg vazn toifasida Dmitriy Shokin musobaqani nimchorak finaldan boshladi va ekvadorlik Fayardo Xuakonga hech qanday imkoniyat qoldirmadi - 21:1. Afsuski chorak finalda Shokinga xitoylik Jian Tian bilan bahsda ozginagina omad etishmadi - 22:24.

-73 kg vazn toifasida dayanga chiqqan Maftuna Ergasheva ham musobaqani chorak finaldan boshladi. Afsuski Ergasheva xitoylik Li Chenga qarshi bahsda yutqazib qo‘ydi. Birozdan so‘ng Maristella Smiralyaga bilan bronza medali uchun jang qiladi.