Bir qator bokschilarimiz harbiy xizmatni boshladi

Har bir O‘zbekiston fuqarosi Vatan oldidagi burchini bajarishi lozim. Yigitlik burchini bajarish vatanparvarlikning oddiygina ko‘rinishi... Albatta, bu mavzuga bejizga to‘xtalmadik. Sababi, bir qator bokschilarimiz ham o‘zining Vatan oldidagi burchini bajarishga yo‘l oldilar. Ya’ni, harbiy xizmatni o‘tashga bel bog‘ladilar.

Jumladan, joriy yilgi O‘zbekiston chempionatining +91 kg vazn toifasidagi chempioni Lazizbek Mullajonov, 57 kg vaznda kumush medalni qo‘lga kiritgan Xurshidbek Rasuljonov, jahon chempionati kumush medal sohibi Dilshodbek Ro‘zmetov, yoshlar o‘rtasida jahon chempionati vitse-chempioni Bilolbek Mirzarahimov hamda O‘zbekiston chempioni Asadxo‘ja Mo‘ydinxo‘jaev ushbu sharafli ishni amalga oshirish jarayoniga kirishdilar.