"Bellator" jangchisi hakamga hujum qildi

AQShlik Markus Surin “Bellator”232 turnirida hamyurti Devin Pauellga yutqazgandan keyin referiga hujum qildi.

Ikkinchi raund oxirida Pauell bo‘g‘ish usulini qo‘llaydi. Surin hushini yo‘qotadi. Ammo Pauell uni qo‘yib yuborganidan so‘ng, Surin o‘ziga kelib, hakamga hujum qildi va uni oyog‘idan ushladi, ammo bir necha soniyadan so‘ng u qo‘yib yubordi. Ko‘rinishidan, jangchi nima qilayotganini tushunmagan.

Surinning faoliyatida 6 ta g‘alaba va 2 ta mag‘lubiyat bor. 31 yoshli Pauellda esa 10 ta g‘alaba va 4 ta mag‘lubiyat mavjud.