"Bavariya" etakchi futbolchisi bilan shartnomani uzaytiradi

"Bavariya" frantsiyalik futbolchi Kingsli Koman bilan yangi shartnoma bandlarini kelishib oldi. Unga ko‘ra, frantsuz yiliga 17 million evro maosh oladi. Bu haqda "L'Equipe" nashri yozmoqda. 

Shu tariqa, Koman myunxenliklar safida eng ko‘p daromad qiladigan uchinchi o‘yinchiga aylandi. Undan yuqorida Manuel Noyer va Robert Levandovski o‘rin egallagan.

Eslatib o‘tamiz, futbolchiga "Manchester Siti", PSJ va "Manchester Yunayted" kabi klublar qiziqish bildirayotgan edi. Kingslining "Transfermarkt" portalidagi bahosi 55 million evro etib belgilangan.