"Barselona" Suares uchun o‘rinbosar izlamoqda

"Barselona" hujumchisi Luis Suares tizzasidan olgan jarohati sabab to‘rt oy mobaynida ispan grandiga yordam bera olmaydi. Klub esa uning o‘rniga hujumchi qidirish ishlarini boshlab yuborgan.

Kataloniyaliklarning yangi bosh murabbiyi Kike Seten esa ushbu masala bo‘yicha "Barselona B" jamoasi forvardlariga imkon berishga qaror qilgan. Bu haqida Marca nashri xabar bermoqda.

Murabbiyning taklifiga ko‘ra, hujumchilar Abel Ruis va Alexandro Markes bugun asosiy jamoa bilan mashg‘ulotlarda ishtirok etdi. Manbaga ko‘ra, forvardlar "Granada"ga qarshi o‘yin qaydnomasiga kiritilishi mumkin.