"Barselona" EChL uchun kurasha oladimi? Aguero javob berdi

"Barselona" sobiq futbolchisi Serxio Aguero Robert Levandovski transferi haqida gapirdi. 

"Levandovski - top darajadagi hujumchi. U "Barsa" uchun ko‘plab gollar uradi. Bu kabi futbolchilar "ko‘k-anorranglilar" safida gollar urish uchun etarlicha imkoniyatga ega bo‘ladi. 

Klubga kelgan paytim, zaxira o‘rindig‘i u qadar ham katta emasdi, hozir esa ajoyib jamoa yig‘ilgan. Ayniqsa, yarim himoyada shunchaki super. 

Albatta, yangi mavsumda Chempionlar ligasi uchun kurashish qiyin bo‘ladi. Shunday bo‘lsa-da, harakat qilib ko‘rsa bo‘ladi. Kelgusi mavsum esa hamjihatlik kuchayadi va imkoniyat yana ham ko‘proq bo‘ladi", - dedi argentinalik futbolchi.