“Barselona” bu futbolchi uchun 70 million evro to‘lashi kerak

Evopaning grand klublari e’tiborida bo‘lib turgan "Lids" hujumchisi Rafinya yozgi transfer oynasi paytida jamoani tark etishi mumkin. “Athletic” nashri ma’lumotlariga qaraganda, “tovuslar” futbolchini sotishga qarshi emas.

Manbaga ko‘ra, 25 yoshli braziliyalikka asosiy da’vogar "Barselona" bo‘lib, u “ko‘k-anorranglilar” ustozi Xavining “short-listi”dan joy olgan.

Ammo, ingliz klubi futbolchi bilan kamida 70 million evro evaziga xayrlashmoqchi ekanligini ma’lum qilgan.

Rafinya o‘tgan mavsumda "Lids" safida 35 o‘yinda maydonga tushib, 11 gol va 3 ta assist muallifiga aylangan. Braziliyalik futbolchining klub bilan shartnomasi 2024 yilning 30 iyuniga qadar amal qiladi.