"Barsa" hamon orani ochiq qilmadi

"Barselona" sobiq bosh murabbiyi Kike Setenni ishdan bo‘shatganligi uchun tovon puli to‘lash to‘g‘risida kelisha olmayapti.

"Cadena Ser" nashrining ma’lum qilishicha, 62 yoshli mutaxassis klubdan 4 million evro talab qilmoqda. Shuningdek, Setendan avval jamoani boshqargan Ernesto Valverdening ketishi ham klubga 11 mln evroga tushgandi.

Ta’kidlanishicha, "ko‘k-anorranglilar" Kikega tovon puli to‘lamoqchi emas. Boisi, rahbariyat ispaniyalik mutaxassis umidlarni oqlamagan va talabga javob bermagan, deb hisoblamoqda.