"Ayaks" yaponiyalik futbolchini o‘z safiga qo‘shib olmoqchi
"Arsenal"ning sobiq himoyachisi Takehiro Tomiyasu tez orada "Ayaks"ga ko‘chib o‘tishi mumkin.
Jurnalist Shohey Babaning xabariga ko‘ra, Niderlandiya klubi yaponiyalik futbolchi bilan qishki transferlar oynasida mavsum oxirigacha qisqa muddatli shartnoma imzolashni va ehtimol unga 2026 yil yozida uzoq muddatli shartnoma taklif qilishni rejalashtirmoqda. Hozirda tomonlar tafsilotlarni kelishib olishmoqda. Tomiyasu hozirda erkin agent.
U 2021 yildan beri o‘ynab kelayotgan "Arsenal"ni yozda tark etdi. O‘tgan mavsumda 27 yoshli futbolchi Angliya Premer-Ligasining faqat bitta o‘yinida maydonga tushgan. U mavsumning qolgan qismini tizza jarohatidan tiklanish bilan o‘tkazdi.
Fikrlar