"Atletiko" hujumchisi "Liverpul"ga qarshi o‘yinni o‘tkazib yuborishi mumkin

"Atletiko Madrid" hujumchisi Alvaro Morata Ispaniya Primerasi 22-turi "Real"ga qarshi bo‘lib o‘tgan o‘yinda jarohat olib maydoni vaqtli tark etgan edi.

"Matraschilar" rasmiy tvitter sahifasi ma’lumotiga ko‘ra, 27 yoshli futbolchining jarohati jiddiy bo‘lib chiqdi.

Manbaga ko‘ra, Morataning o‘ng oyoq mushaklari shikastlangan. Shu sababli u Ispaniya chempionati 23-turidan o‘rin olgan "Valensiya" (15-fevral), shuningdek Chempionlar ligasi doirasida "Liverpul"ga (18-fevral) qarshi o‘yinda maydonga tushishi so‘roq ostida qolmoqda.