"Arsenal" Remziga La Ligadan o‘rinbosar topdi

Londonning "Arsenal" klubi "Eybar" yarim himoyachisi Xoan Xordanaga qiziqib qoldi.

Marca nashri tarqatgan xabarga ko‘ra “kanonirlar” 24 yoshli ispaniyalik futbolchini yozda “Yuventus”ga o‘tib ketadigan Aaron Remziga munosib o‘rinbosar sifatida qarashmoqda. Ushbu transfer londonliklarga 15 mln evroga tushishi mumkin.

Ma’lumot uchun, Xordana joriy mavsum “Eybar” safida 29ta o‘yinda ishtirok etdi va o‘z hisobiga 3ta gol hamda 4ta golli uzatma yozdirib qo‘yishga erishdi. Uning klub bilan amaldagi shartnomasi 2020 yilga qadar imzolangan.