"Arsenal" etakchisiga A Seriya grandlari da’vogarlik qilmoqda

"Arsenal" klubi himoyachisi Ektor Belerin yozgi transferlar davrida jamoani tark etishi mumkin.

Football Italia nashrining xabar berishicha, 25 yoshli ispaniyalik futbolchi faoliyatini Italiyada davom ettirishi mumkin. Unga "Inter" va "Yuventus"dan qiziqishlar bor.

Belerin joriy mavsum “Arsenal” safida 16 ta o‘yinda maydonga tushdi va 1 ta gol hamda 2 ta golli uzatmaga mualliflik qildi. Uning “kanonirlar” bilan amaldagi shartnomasi 2023 yilga qadar imzolangan, transfer narxi esa 32 mln evroga baholanmoqda.