Antoni: "Men buni qasddan qilmadim, apellyatsiya beriladi"

"Betis" vingeri Antoni "Jirona"ga qarshi o‘yinda olgan qizil kartochkasi haqida fikr bildirdi.

Braziliyalik futbolchi La Liga 13-turi doirasidagi "Jirona"ga qarshi o‘yinning (1:1) oxirida maydondan chetlatilgan edi. 89-daqiqada Antoni eng baland ko‘tarilishda zarba berishga urinib, Xoelyu Roke yuziga oyoq bilan tepgan. Bosh referi Iosu Galek Apetstegiya epizodni monitordan ko‘rib, Antonini maydondan chiqargan.

"Betis" Antonining qizil kartochkasiga apellyatsiya berishi haqida xabar qilingan. 30 noyabr kuni jamoa "Sevilya"ga safarda qarshi o‘yin olib boradi.

Antoni esa vaziyatni izohladi: "Men buni qasddan qilmadim. Shuning uchun apellyatsiya beramiz. Men pozitsiyamni yutgan edim. Zarba berishga uringanimda raqibni ko‘rmadim, faqat to‘pga e’tibor qaratdim. Bu VAR qarori bo‘ldi, hakam ham men bunga qasd qilmaganimni tushundi.

Uyda butun kecha bu haqda o‘yladim va deyarli uxlamadim. Albatta, diskvalifikatsiyani bekor qilishga urinmoqchimiz. Bu o‘yin qanchalik muhimligini bilaman va ishtirok etmoqchiman".